رد الإعلامي المصري أحمد يونس على الشائعات التي إنتشرت حول وفاته، وذلك بعد تعرضه لحادث أدى إلى قطع أوتار في قدمه.
وكتب عبر حسابه الخاص معبراً عن إستيائه من الخبر: "مش معقول هوس الريتش يوصلنا للمرحلة دي؟ أنا والله ما فارق عندي واللي مكتوب لي هشوفه والموت حق، بس لما أصحى ألاقي الناس عمالة تبعت لي، أنا مش بعرف أرد على التليفون طول الوقت وفي ناس هتاخد العنوان المزيف وتنقله. في ناس بيدوروا على الأخبار على جوجل لما ينط ده في وشهم مش هيقروا اللي جوا لأن العنوان قايم بالواجب وللأسف مش أول مرة تتعمل. للعلم وبالعند فيكم أنا الحمد لله بتحسن وهيطلع لي رجل جديدة بس اصبروا شوية.. الله يهديكم بجد.. البركة في السند جروب عيلة أحمد يونس دايمًا قايمين بكل واجب والله. وعلى الجانب الآخر ألف شكر للصحافة والمواقع المحترمة وأهل الميديا اللي سألوا وتحروا الدقة في نقل أي حاجة، هو الحقيقة أنا أقل من ينزل عني أخبار، والموضوع الحمد لله ربنا لطف فيه لطف عظيم، بس كتر ألف خيرهم".
